Mətn:
Odlar.media xəbər verir ki, Ermənistanın Baş naziri Nikol Paşinyan Türkmənistan Prezidenti Sərdar Berdiməhəmmədovla telefon danışığı aparıb.
Ermənistan Nazirlər Kabinetinin yaydığı məlumata görə, telefon söhbəti zamanı Ermənistan-Türkmənistan münasibətlərinin inkişaf etdirilməsi məsələləri müzakirə olunub.
Paşinyan Türkmənistan Prezidentini bu ilin oktyabrında Ermənistanda keçiriləcək Bioloji Müxtəliflik haqqında Konvensiyanın Tərəflər Konfransının 17-ci sessiyası (COP17) çərçivəsində təşkil olunacaq Liderlər Zirvəsində iştirak etmək üçün ölkəsinə dəvət edib.
Sərdar Berdiməhəmmədov dəvəti qəbul edib.
Qeyd edək ki, Ermənistan COP17-yə 2026-cı ilin oktyabrında ev sahibliyi edəcək.
Odlar.media