Odlar.media xəbər verir ki, Portuqaliyada mənzil qiymətlərinin və kirayə haqlarının artmasına qarşı etirazlar ikinci həftədir davam edir. Nümayişçilər paytaxt Lissabonun əsas meydanlarından birində düşərgə salıblar.
Etirazçılar kirayə haqlarının artırılmasına qarşı tədbirlər görülməsini, dövlət mənzil fondunun genişləndirilməsini və mənzil böhranının həlli üçün hökumətin təcili addımlar atmasını tələb edirlər.
Məlumata görə, oktyabrın 27-də parlament binası qarşısında genişmiqyaslı mitinqin keçirilməsi, həmçinin noyabrın 11-də tətil təşkili imkanları müzakirə olunur.
Nümayişçilər düşərgəni dağıtmaq ehtimalını istisna etməsələr də, parlament iclasının nəticələrini gözləyirlər. Onlar etiraz aksiyalarının ilin sonunadək davam edəcəyini bildiriblər.
Odlar.media