Mətn:
Odlar.media xəbər verir ki, Ermənistanın Baş naziri Nikol Paşinyan Azərbaycanla sülh sazişinin 2031-ci ilə qədər imzalanmasına və ratifikasiya edilməsinə nail olmağa ümid edir.
“Sputnik Ermənistan”ın məlumatına görə, Paşinyan bu barədə hökumətin iclasında danışıb.
O bildirib ki, Azərbaycanla sülh sazişinin imzalanması Ermənistan hökuməti və şəxsən özü üçün ən vacib məsələlərdən biridir.
Baş nazir qarşısına konkret vaxt çərçivəsi qoyduğunu vurğulayaraq, 2031-ci ilə qədər bu məsələnin həllinə nail olmağı hədəflədiyini deyib. Paşinyan həmin məqsədə çatmağın mümkün olduğuna inandığını da qeyd edib.
Odlar.media