Mətn:
Odlar.media xəbər verir ki, İsrail ordusunun Qəzza zolağının cənubundakı Rəfah və Xan Yunis şəhərlərinə pilotsuz uçuş aparatları ilə (PUA) hücumları nəticəsində azı 5 fələstinli həlak olub, 18 nəfər yaralanıb.
Rəfahda, Kərəm Əbu Salim sərhəd-keçid məntəqəsindən Qəzzaya daxil olan yük maşınlarının əməliyyatlarının aparıldığı əraziyə endirilən zərbə nəticəsində 4 nəfər ölüb, 5-i ağır olmaqla 15 nəfər yaralanıb. Ölən və yaralananlar arasında bəzi hökumət rəsmilərinin də olduğu bildirilir.
Xan Yunisdə yaşayış evinə edilən PUA hücumu nəticəsində isə Məhəmməd Əlyan əl-Buyuk həyatını itirib, daha 3 nəfər yaralanıb.
Odlar.media