Mətn:
Odlar.media xəbər verir ki, oktyabrın 25-də Azərbaycanda bəzi ərazilərdə yağış, ayrı-ayrı yerlərdə isə leysan və şimşək gözlənilir.
Milli Hidrometeorologiya Xidmətinin məlumatına görə, Bakıda və Abşeron yarımadasında fasilələrlə yağış yağacaq, mülayim şimal-şərq küləyi əsəcək. Havanın temperaturu gecə 15-17°, gündüz 17-19° isti olacaq.
Bölgələrdə də yağış, bəzi yerlərdə intensiv leysan, şimşək və dolu ehtimalı var. Yüksək dağlıq ərazilərdə qar yağacağı, gecə və səhər bəzi yerlərdə duman olacağı bildirilir.
Rayonlarda havanın temperaturu gecə 13-16°, gündüz 17-21° isti, dağlıq ərazilərdə isə gecə 2-6°, gündüz 8-13° isti olacaq.
Odlar.media