Odlar.media xəbər verir ki, ABŞ perspektivli B-21 “Raider” strateji bombardmançısının silah sistemlərinin sınaqlarına başlayıb.
Bu barədə təyyarənin istehsalçısı “Northrop Grumman” korporasiyası məlumat yayıb.
Şirkətin açıqlamasına görə, B-21 uçuş sınaqları zamanı silahlardan istifadə imkanlarını nümayiş etdirib.
İlk bombardmançıların 2027-ci ildə ABŞ Hərbi Hava Qüvvələrinə təhvil verilməsi planlaşdırılır. Təyyarələrin ilkin olaraq Cənubi Dakota ştatındakı Ellsvort aviabazasında yerləşdirilməsi nəzərdə tutulur.
B-21 radarlarda görünmə səviyyəsini azaltmaq texnologiyaları ilə təchiz edilib və müasir hava hücumundan müdafiə sistemlərini yarmaq üçün nəzərdə tutulub. Təyyarə həmçinin qabaqcıl rabitə və rəqəmsal idarəetmə sistemlərinə malikdir.
Odlar.media