Mətn:
Odlar.media xəbər verir ki, Avropa İttifaqı ölkələri ilin sonuna qədər Ukraynaya 45 milyard avro əlavə kredit ayırmağı planlaşdırır.
“Politico” nəşrinin mənbələrə istinadən yaydığı məlumata görə, vəsait Ukraynanın 2027-ci il üzrə maliyyə ehtiyaclarının qarşılanmasına yönəldiləcək. Aİ bu proqram çərçivəsində Kanada və Böyük Britaniyanın dəstəyini də artırmağa çalışır.
Məlumata əsasən, təşəbbüs Aİ-nin yeni yeddiillik büdcəsi ilə bağlı danışıqlar fonunda üzv ölkələr arasında fikir ayrılıqlarını dərinləşdirə bilər.
Nəşr yazır ki, Çexiya və Slovakiya kredit proqramında iştirak etməyəcəklərini açıqlayıblar. Macarıstanın da bu mövqeyə qoşula biləcəyi bildirilir.
Odlar.media