Mətn:
Odlar.media xəbər verir ki, Fövqəladə Hallar Nazirliyinin Bakı Regional Mərkəzi Səbail rayonunda mülki müdafiə vəziyyətinin kompleks yoxlanılmasının nəticələrinə dair tədbir keçirib.
Tədbirdə aidiyyəti dövlət qurumlarının, rayon xidmətlərinin, təhsil müəssisələrinin və mənzil-kommunal təsərrüfatı təşkilatlarının nümayəndələri iştirak ediblər.
Görüşdə yoxlama zamanı görülən işlər, əldə olunan nəticələr və aşkar edilmiş çatışmazlıqlar müzakirə olunub.
Yekunda nöqsanların aradan qaldırılması, mülki müdafiə və yanğın təhlükəsizliyi tədbirlərinin gücləndirilməsi, eləcə də fövqəladə hallara hazırlıq səviyyəsinin artırılması ilə bağlı müvafiq tapşırıqlar verilib.
Odlar.media