Mətn:
Odlar.media xəbər verir ki, təmir-quraşdırma işləri və qaz sızmasının aradan qaldırılması ilə əlaqədar bu gün saat 10:00-dan etibarən paytaxtın Xətai və Suraxanı rayonlarının bəzi ərazilərində qaz təchizatında qısamüddətli fasilə yaranacaq.
Bu barədə “Azəriqaz” məlumat yayıb.
Bildirilib ki, Xətai rayonunda A. Səhhət küçəsinin qaz təchizatı işlər başa çatanadək dayandırılacaq.
Suraxanı rayonunun Bülbülə qəsəbəsində isə Nizami, Ə. Ələkbərov, M. Ə. Sabir, M. Bəydəmirov, N. Nərimanov, Ç. Nəzərov, Mənbə, M. Abdullayev və S. Bəhlulzadə küçələrində qaz təchizatında fasilə yaranacaq.
Qazın verilişinin təmir və qəza işləri yekunlaşdıqdan sonra bərpa ediləcəyi bildirilib.
Odlar.media