Mətn:
Odlar.media xəbər verir ki, Rusiyanın Litvadakı səfirliyinin nümayəndəsi ölkənin Xarici İşlər Nazirliyinə çağırılıb və ona etiraz notası təqdim edilib.
Litva XİN-in məlumatına görə, etiraz avqustun 14-dən 15-nə keçən gecə Tallində “Milrem Robotics” şirkətinin binalarının yandırılması ilə bağlı insidentə görə bildirilib.
Etiraz notasında, həmçinin Rusiya Silahlı Qüvvələrinin Ukraynaya davam edən zərbələri ilə bağlı Litvanın mövqeyi ifadə olunub.
Qeyd edək ki, daha əvvəl Estoniya da “Milrem Robotics” şirkətində baş verən insidentlə əlaqədar Rusiyanın müvəqqəti işlər vəkilini Xarici İşlər Nazirliyinə çağırmışdı.
Hadisə ilə bağlı araşdırmaların davam etdiyi bildirilir.
Odlar.media