Mətn:
Odlar.media xəbər verir ki, Hindistanın Uttar Pradeş ştatında güclü leysan yağışların səbəb olduğu daşqınlar nəticəsində ölənlərin sayı 81 nəfərə çatıb.
Yerli mediaya istinadən verilən məlumata görə, təbii fəlakət nəticəsində 2 200-dən çox evə ziyan dəyib, 81 hektar əkin sahəsi isə su altında qalıb.
Bundan əvvəl ölənlərin sayının 62 nəfər olduğu, daha 46 nəfərin xəsarət aldığı bildirilmişdi. Üç gündən artıq davam edən leysan yağışlar nəticəsində yaranan sel 1 000-dən çox evi dağıdıb.
Daşqınlar səbəbindən ştat ərazisində məktəblərin fəaliyyəti də dayandırılıb. Sinoptiklər yaxın günlərdə yağıntıların azalacağını proqnozlaşdırırlar.
Odlar.media