Mətn:
Odlar.media xəbər verir ki, Bakı–Şamaxı magistral avtomobil yolunun Qobustan rayonundan keçən hissəsində minik avtomobilində yanğın baş verib.
Fövqəladə Hallar Nazirliyinin “112” qaynar telefon xəttinə daxil olan məlumat əsasında FHN-in Dövlət Yanğından Mühafizə Xidmətinin Qobustan Rayon Yanğından Mühafizə Hissəsinin qüvvələri hadisə yerinə cəlb olunub.
Yanğınsöndürənlərin operativ müdaxiləsi nəticəsində “Ford Fusion” markalı avtomobildə baş verən yanğın qısa müddətdə söndürülüb.
Yanğın nəticəsində avtomobilin mühərrik hissəsi yanıb. Nəqliyyat vasitəsinin böyük hissəsi yanğından mühafizə olunub.
Hadisə ilə bağlı əlavə məlumat verilməyib.
Odlar.media