Mətn:
Odlar.media xəbər verir ki, Nobel Fondu 2026-cı il üzrə Nobel mükafatının məbləğini artırmaq qərarına gəlib.
Qərara əsasən, hər bir kateqoriya üzrə Nobel mükafatının məbləği 12 milyon İsveç kronuna (təxminən 1,22 milyon ABŞ dolları) yüksəldilib. Əvvəlki məbləğlə müqayisədə artım 1 milyon kron təşkil edib.
Fondun məlumatına görə, 1901-ci ildə ilk Nobel mükafatları təqdim edilərkən hər kateqoriya üzrə mükafat 150 782 kron olub.
Son 15 il ərzində mükafatın məbləği bir neçə dəfə dəyişdirilib. Belə ki, 2012-ci ildə 10 milyon kronadan 8 milyon krona endirilən mükafatın məbləği həmin vaxtdan etibarən üç dəfə artırılıb.
Qeyd edək ki, 2026-cı il Nobel mükafatı laureatlarının adları oktyabrın 5-dən 12-dək açıqlanacaq.
Odlar.media