İlham Əliyev Hakan Fidanı qəbul etdi

Odlar.media xəbər verir ki, Azərbaycan Respublikasının Prezidenti İlham Əliyev sentyabrın 15-də Türkiyənin xarici işlər naziri Hakan Fidanı qəbul edib.
Hakan Fidan Türkiyə Prezidenti Rəcəb Tayyib Ərdoğanın salamlarını dövlətimizin başçısına çatdırıb. Prezident İlham Əliyev salamlarına görə təşəkkür edib və özünün də salamlarını Rəcəb Tayyib Ərdoğana çatdırmağı xahiş edib.
Görüş zamanı Azərbaycan-Türkiyə qardaşlıq və strateji müttəfiqlik münasibətlərinin bütün istiqamətlər üzrə uğurla inkişaf etdiyi vurğulanıb. Əməkdaşlığın “bir millət, iki dövlət” prinsipi əsasında daha da möhkəmləndirilməsindən məmnunluq ifadə olunub.
Tərəflər enerji sahəsində əməkdaşlığın əhəmiyyətinə toxunaraq, alternativ enerji istiqamətində beynəlxalq bazarlara yeni çıxış imkanları ilə bağlı fikir mübadiləsi aparıblar.
Söhbət zamanı Azərbaycan və Türkiyənin logistika baxımından mühüm mövqeyə malik olduğu, Avropa ilə Asiya arasında körpü rolunu oynadığı qeyd edilib. Həmçinin beynəlxalq təşkilatlar çərçivəsində fəaliyyətin əlaqələndirilməsinin vacibliyi vurğulanıb.
Görüşdə ikitərəfli münasibətlərin perspektivləri, regional məsələlər və qarşılıqlı maraq doğuran digər mövzular ətrafında fikir mübadiləsi aparılıb.
Odlar.media xəbər verir ki, görüş Azərbaycan-Türkiyə strateji müttəfiqliyinin müxtəlif istiqamətlər üzrə davam etdirilməsinin əhəmiyyətini bir daha nümayiş etdirib.