Odlar.media xəbər verir ki, 2026-cı ilin avqust ayı ərzində Səhiyyə Nazirliyinin Analitik Ekspertiza Mərkəzi (AEM) tərəfindən ümumilikdə 70 aptekdə yoxlama keçirilib.
AEM-in məlumatına görə, yoxlamaların 48-i Bakı şəhərində, 22-si isə respublikanın digər şəhər və rayonlarında fəaliyyət göstərən apteklərdə aparılıb.
Bildirilib ki, keçirilən yoxlamalardan 51-i planlı, 16-sı plandankənar, 3-ü isə yoxlamadan kənar olub.
Yoxlamaların nəticələrinə əsasən, 19 aptekdə müxtəlif nöqsanlar müəyyən edilib. Aşkar olunan pozuntularla bağlı Azərbaycan Respublikasının İnzibati Xətalar Məcəlləsinin 210.1, 215.4, 221.1, 452.1 və 452.3-cü maddələri üzrə müvafiq inzibati protokollar tərtib olunub.
Odlar.media bildirir ki, apteklərdə aparılan yoxlamalar zamanı aşkar edilən nöqsanlarla bağlı qanunvericiliyə uyğun tədbirlər görülür.
