Mətn:
Odlar.media xəbər verir ki, avqustun 20-dən etibarən başlayan şagirdlərin elektron yerdəyişməsi prosesi yekunlaşmaq üzrədir.
Məktəblərarası yerdəyişmə ilə bağlı sy.edu.az elektron sistemi vasitəsilə ümumi təhsil müəssisələrinə sorğu yerləşdirmə prosesi 7 sentyabr saat 12:00-da dayandırılacaq.
Həmin tarixədək elektron sistemdə sorğu yerləşdirən valideynlər övladlarının sənədlərini yerdəyişmə etdikləri ümumi təhsil müəssisəsinə 10 sentyabr saat 15:00-dək təqdim etməlidirlər.
Qeyd edək ki, yerdəyişmə prosesi başa çatdıqdan sonra tamamlanmayan sorğular və növbələr sistem tərəfindən avtomatik olaraq silinəcək.
Odlar.media şagirdlərin elektron yerdəyişməsi ilə bağlı prosesin son tarixlərini bir daha diqqətə çatdırır.