Mətn:
Odlar.media xəbər verir ki, Azərbaycan Respublikasının Prezidenti İlham Əliyev Şanxay Əməkdaşlıq Təşkilatının (ŞƏT) tədbirlərində iştirak etmək məqsədilə avqustun 31-də Qırğız Respublikasına işgüzar səfərə gəlib.
Prezident İlham Əliyev və birinci xanım Mehriban Əliyeva Bişkek şəhərindəki “Manas” Beynəlxalq Hava Limanında qarşılanıblar.
Dövlət başçısının şərəfinə hava limanında fəxri qarovul dəstəsi düzülüb.
Prezident İlham Əliyevi və birinci xanım Mehriban Əliyevanı Qırğızıstan Nazirlər Kabinetinin sədri – Prezident Administrasiyasının rəhbəri Adılbek Kasımaliyev qarşılayıb.
Səfər çərçivəsində Prezident İlham Əliyevin ŞƏT-in tədbirlərində iştirakı və bir sıra görüşlər keçirməsi gözlənilir.
Odlar.media