Odlar.media xəbər verir ki, yol qəzası nəticəsində Kliniki Tibbi Mərkəzə hospitalizasiya olunan Xalq artisti Şükufə Yusupovanın müalicəsi palata şəraitində davam etdirilir.

Tibbi Ərazi Bölmələrini İdarəetmə Birliyindən (TƏBİB) bildirilib ki, 1954-cü il təvəllüdlü sənətçi avqustun 21-də xəstəxanaya yerləşdirilib. Hazırda onun vəziyyəti stabil qiymətləndirilir.

Qeyd edək ki, Şükufə Yusupovanı avqustun 21-də piyada keçidində avtomobil vurub. İlkin müayinələr zamanı onun çanaq və qabırğa sümüklərində sınıqlar aşkarlanıb.