Odlar.media xəbər verir ki, avqustun 20-də Azərbaycanda hava şəraiti əsasən yağmursuz keçəcək. Lakin gün ərzində ölkənin şimal və qərb rayonlarından başlayaraq bəzi yerlərdə yağış yağacağı gözlənilir.

Ayrı-ayrı ərazilərdə yağışın qısamüddətli leysan xarakterli və intensiv olacağı, şimşək çaxacağı, dolu düşəcəyi ehtimal edilir. Gecə və səhər saatlarında bəzi dağlıq ərazilərdə arabir duman müşahidə olunacaq. Qərb küləyi gündüz bəzi yerlərdə arabir güclənəcək.

Bakıda və Abşeronda hava

Bakıda və Abşeron yarımadasında havanın əsasən yağmursuz olacağı gözlənilir. Mülayim şimal-qərb küləyi əsəcək, küləyin gündüz arabir güclənəcəyi bildirilir.

Havanın temperaturu gecə 21-24°, gündüz isə 29-33° isti olacaq.

Atmosfer təzyiqi 758 mm civə sütunu, nisbi rütubət isə gecə 70-75%, gündüz 50-55% təşkil edəcək.

Rayonlarda temperatur

Azərbaycanın rayonlarında havanın temperaturu gecə 20-24°, gündüz 33-38° isti olacaq.

Dağlıq ərazilərdə gecə temperaturu 12-17°, gündüz isə 20-25° isti təşkil edəcək.

Məlumat Milli Hidrometeorologiya Xidmətinə istinadən hazırlanıb.