Mətn:
Odlar.media xəbər verir ki, Azərbaycan millisinin üzvü Banuçiçək Nəsirli Serbiyanın Loznitsa şəhərində keçirilən U-19 Avropa çempionatında yarımfinala yüksəlib.
48 kq çəki dərəcəsində mübarizə aparan boksçumuz 1/4 final mərhələsində Polşa təmsilçisi Katarjina Qornisieviçlə üz-üzə gəlib.
Gərgin keçən qarşılaşmada Banuçiçək Nəsirli rəqibini 3:2 hesabı ilə məğlub edib. Hakimlərin fərdi hesabları 30:27, 28:29, 28:29, 30:27, 29:28 olub.
Bu qələbə ilə Nəsirli yarımfinala vəsiqə qazanaraq ən azı bürünc medalı təmin edib.
Azərbaycanlı boksçu avqustun 20-də finala yüksəlmək uğrunda İrlandiya təmsilçisi Ellen Coysla qarşılaşacaq.
Qeyd edək ki, bu gün Azərbaycan millisinin daha 4 üzvü turnirin 1/4 final mərhələsində mübarizəyə qoşulacaq.