Odlar.media xəbər verir ki, Qəbələ, Ağcabədi və Ağsu rayonlarında yanğın hadisələrinə səbəb olan şəxslər polis əməkdaşları tərəfindən müəyyən edilərək məsuliyyətə cəlb olunublar.
Daxili İşlər Nazirliyinin (DİN) Mətbuat Xidmətinin məlumatına görə, Qəbələ rayonunun Hacallı kəndində, Ağcabədi rayonunun Aşağı Qiyaməddinli kəndində və Ağsu şəhəri ərazisində baş verən yanğınlarla bağlı araşdırma aparılıb.
Araşdırmalar nəticəsində yanğınların E.Məhyəddinov, İ.Zeynalov və E.Musayev tərəfindən törədildiyi müəyyənləşdirilib.
Hadisələr nəticəsində biçilmiş əkin sahələri və kol-kos yanıb.
Faktlarla bağlı həmin şəxslər barəsində qanunvericiliyə uyğun tədbirlər görülüb.
