Mətn:
Odlar.media xəbər verir ki, Rusiya hava hücumundan müdafiə qüvvələri Moskva istiqamətində uçan daha 7 pilotsuz uçuş aparatını (PUA) məhv edib.
Bu barədə Moskva meri Sergey Sobyanin məlumat verib.
Onun sözlərinə görə, hava hücumundan müdafiə qüvvələri PUA-ların hücumunun qarşısını alıb. Hazırda təcili xidmətlərin əməkdaşları pilotsuz aparatların qalıqlarının düşdüyü ərazilərdə fəaliyyət göstərirlər.
Hadisə nəticəsində mümkün dağıntılar və xəsarət alanlar barədə hələlik məlumat verilməyib.