Mətn:
Odlar.media xəbər verir ki, İran İslam İnqilabı Keşikçiləri Korpusu (SEPAH) Hörmüz boğazı üzərində uçan MQ-9 Reaper tipli pilotsuz uçuş aparatının Hava Hücumundan Müdafiə qüvvələri tərəfindən vurulduğunu açıqlayıb.
Bu barədə SEPAH-a məxsus “Sepah News” agentliyi məlumat yayıb.
Məlumatda vurulan pilotsuz uçuş aparatının hansı ölkəyə məxsus olduğu açıqlanmasa da, MQ-9 Reaper tipli PUA-ların əsasən ABŞ Hərbi Hava Qüvvələri tərəfindən istifadə edildiyi bildirilib.
SEPAH-ın açıqlamasına görə, ABŞ və İsrailin İrana qarşı hərbi əməliyyatlara başladığı 28 fevral tarixindən etibarən İran Hava Hücumundan Müdafiə qüvvələri 30-dan çox MQ-9 Reaper tipli pilotsuz uçuş aparatını məhv edib.