Mətn:
Odlar.media xəbər verir ki, bu ilin yanvar-iyun aylarında Azərbaycanda fəaliyyət göstərən sığorta şirkətlərinin topladığı sığorta haqlarının ümumi həcmi 867,4 milyon manat təşkil edib.
Azərbaycan Mərkəzi Bankının məlumatına görə, bu göstərici ötən ilin eyni dövrü ilə müqayisədə 6,16 faiz artıb.
Hesabat dövründə sığorta şirkətlərinin həyata keçirdiyi ödənişlərin ümumi məbləği isə 549,7 milyon manata çatıb. Bu isə illik müqayisədə 27,18 faiz artım deməkdir.
Məlumata əsasən, ilin ilk altı ayında sığorta bazarında zərərlilik səviyyəsi də yüksəlib. Belə ki, hesabat dövründə toplanan hər 100 manat sığorta haqqının 63,4 manatı ödəniş kimi qaytarılıb. Ötən ilin eyni dövründə bu göstərici 52,9 manat təşkil etmişdi.