Mətn:
Odlar.media xəbər verir ki, Ukrayna Silahlı Qüvvələrinin Baş Qərargah rəisi, general-leytenant Andrey Qnatov vəzifəsindən azad edilib.
Bu barədə “İnsayder” nəşri məlumat yayıb. Bildirilib ki, Ukrayna Silahlı Qüvvələrinin keçmiş baş komandanı Aleksandr Sırskinin vəzifədən uzaqlaşdırılmasından sonra Baş Qərargah rəisi Andrey Qnatov da postunu tərk edib.
Məlumata görə, Qnatovun yerinə müvəqqəti olaraq Vladimir Qorbatyuk təyin olunacaq.
Xatırladaq ki, bundan əvvəl Ukrayna Prezidenti Volodimir Zelenskinin əmri ilə Silahlı Qüvvələrin baş komandanı Aleksandr Sırski vəzifəsindən azad edilib. Onun yerinə isə Mixail Drapatı təyin olunub.