Mətn:
Odlar.media xəbər verir ki, Ermənistanda Fransa Milli Günü münasibətilə təşkil olunmuş ziyafətdən sonra qonaqların bir qismi bağırsaq infeksiyası əlamətləri ilə xəstəxanaya yerləşdirilib.
Yerli KİV-in yaydığı məlumata görə, tədbirdə iştirak edən şəxslərin əksəriyyətinə bağırsaq infeksiyası diaqnozu qoyulub və onlar tibbi yardım üçün xəstəxanalara müraciət ediblər.
Məlumata əsasən, ziyafətdə Ermənistanın baş nazirinin müavini Mqer Qriqoryan və digər yüksəkvəzifəli rəsmilər də iştirak ediblər. Onların səhhəti ilə bağlı isə rəsmi məlumat açıqlanmayıb.
Hadisənin səbəbləri araşdırılır. Ermənistanın aidiyyəti qurumları insidentlə bağlı hələlik rəsmi açıqlama verməyiblər.