Mətn:
Odlar.media xəbər verir ki, Milli Məclis sədrinin birinci müavini Əli Əhmədovun həyat yoldaşı Asya Əhmədova Bakıda fəaliyyət göstərən özəl tibb müəssisəsinin direktoru və qanuni təmsilçisi olub.
Məlumata görə, Asya Əhmədova Binəqədi rayonunda yerləşən, nizamnamə kapitalı 700 min 100 manat olan “Megapol Sağlamlıq Mərkəzi” MMC-yə rəhbərlik edir.
Bildirilir ki, bundan əvvəl sözügedən klinikanın direktoru və baş həkimi Əli Əhmədovun oğlu Fikrət Əhmədov olub. O, dövlət tibb müəssisəsində vəzifəyə təyin edildikdən sonra özəl klinikadakı fəaliyyətini dayandırıb.
Hazırda Fikrət Əhmədov Respublika Kliniki Uroloji Xəstəxanasının baş həkimi vəzifəsində çalışır.