Mətn:
Odlar.media xəbər verir ki, bu gün Bakıda, Gülüstan sarayında “İtkin düşmüş şəxslər məsələsinin həllində müasir yanaşmalar və əməkdaşlığın gücləndirilməsi” mövzusunda beynəlxalq konfrans keçirilir.
Tədbir Əsir və itkin düşmüş, girov götürülmüş vətəndaşlarla əlaqədar Dövlət Komissiyasının təşkilatçılığı ilə baş tutur.
Konfransda yerli və xarici ölkələrin nümayəndələri, həmçinin bir sıra beynəlxalq təşkilatların təmsilçiləri iştirak edirlər. Tədbirdə itkin düşmüş şəxslərlə bağlı problemlərin həlli istiqamətində müasir yanaşmaların müzakirəsi, beynəlxalq əməkdaşlığın genişləndirilməsi və təcrübə mübadiləsinin aparılması nəzərdə tutulur.