Mətn:
Odlar.media xəbər verir ki, Ermənistanda 2,1 maqnitudalı zəlzələ baş verib.
Məlumatı Ermənistan Daxili İşlər Nazirliyinin Xilasetmə Xidməti yayıb.
Bildirilib ki, yeraltı təkanların episentri İcevan şəhərindən 20 kilometr şimal-qərbdə, 10 kilometr dərinlikdə yerləşib. Episentrdə zəlzələnin intensivliyi 2–3 bal arasında olub.
Yeraltı təkanlar Tavuş vilayətində, o cümlədən İcevan və Noyemberyan şəhərlərində, eləcə də Koxb, Açacur və Voskepar kəndlərində hiss olunub. Həmin ərazilərdə də təkanların gücü 2–3 bal səviyyəsində qeydə alınıb.