Mətn:
Odlar.media xəbər verir ki, Emmanuel Macron müxtəlif tapşırıqlar üçün süni intellekt texnologiyalarından müntəzəm istifadə etdiyini açıqlayıb.
Fransa Prezidenti bu barədə France 2 telekanalına müsahibəsində danışıb.
“Əlbəttə ki, ondan bir çox məqsədlər üçün istifadə edirəm”, – deyə Makron bildirib.
Bununla yanaşı, o, qərarların qəbulunu və prezident səlahiyyətlərinin icrasını süni intellekt sistemlərinə həvalə etmədiyini vurğulayıb.
Makronun sözlərinə görə, süni intellekt onun işində yardımçı vasitə kimi istifadə olunur, lakin dövlət idarəçiliyi ilə bağlı yekun qərarlar insan tərəfindən verilir.