Mətn:
Odlar.media xəbər verir ki, ABŞ-də yaşayan jurnalist Qənirə Ataşova sosial şəbəkə hesabında oğlu ilə bağlı iddia olunan xoşagəlməz hadisə barədə paylaşım edib.
O, bildirib ki, tibb təhsili alan və gələcəkdə beyin cərrahı olmaq istəyən oğlu elmi təcrübə qazanmaq məqsədilə Azərbaycana gəlib. Jurnalistin sözlərinə görə, gənc Bakıda təcrübəli həkimlərin əməliyyat proseslərini izləyərək elmi iş hazırlamaq niyyətində olub.
Qənirə Ataşova paylaşımında iddia edib ki, oğlu gözlədiyi dəstəyi görməyib və əksinə, bəzi çətinliklərlə üzləşib. O, vəziyyəti “dəstək əvəzinə maneə yaradılması” kimi qiymətləndirib.
Məsələ ilə bağlı əlavə rəsmi açıqlama olduğu halda məlumat yenilənə bilər.
Qeyd edək ki, məlumat Publika.az-a istinadən yayılıb.