Odlar.media xəbər verir ki, Respublika üzrə iyunun 19-da pensiya ödənişlərinin tam şəkildə həyata keçirilməsi və prosesin yekunlaşdırılması nəzərdə tutulur.
Dövlət Sosial Müdafiə Fondu bu barədə məlumat yayıb. Bildirilib ki, həmin gün güzəştli şərtlərlə pensiya hüququna malik şəxslərin də pensiya ödənişləri həyata keçiriləcək.
Məlumata görə, ödənişlərin mərhələli şəkildə aparılması prosesi 19 iyun tarixində başa çatdırılacaq və bütün pensiyaçıların vəsaitləri tam şəkildə təmin olunacaq.
Musavat.com-a istinadən yayılan xəbərdə qeyd olunub ki, proses sosial təminat sisteminin planına uyğun şəkildə icra edilir.
