Odlar.media xəbər verir ki, Prezident İlham Əliyev İslam İnkişaf Bankı Qrupunun prezidenti Məhəmməd Süleyman Əl-Casirin “Dostluq” ordeni ilə təltif edilməsi barədə sərəncam imzalayıb.
Sərəncama əsasən, Məhəmməd Süleyman Əl-Casir Azərbaycan Respublikası ilə İslam İnkişaf Bankı arasında əməkdaşlığın inkişafına verdiyi mühüm töhfələrə görə bu yüksək dövlət mükafatına layiq görülüb.
Qeyd edək ki, İslam İnkişaf Bankı Azərbaycanla uzun illərdir müxtəlif istiqamətlərdə əməkdaşlıq edir və ölkədə infrastruktur, sosial və iqtisadi layihələrin həyata keçirilməsinə dəstək göstərir.
