Odlar.media xəbər verir ki, Azərbaycanda səfərdə olan ABŞ Konqresinin Nümayəndələr Palatasının üzvü Abraham Hamadenin rəhbərlik etdiyi nümayəndə heyəti iyunun 17-də Şəhidlər xiyabanını ziyarət edib.
Milli Məclisin Mətbuat və ictimaiyyətlə əlaqələr şöbəsindən verilən məlumata görə, qonaqlar Azərbaycanın azadlığı və suverenliyi uğrunda canlarından keçmiş şəhidlərin xatirəsini ehtiramla yad edərək, məzarları üzərinə tər güllər düzüblər.
Daha sonra nümayəndə heyəti Bakının ən hündür nöqtələrindən birindən paytaxtın panoramik mənzərəsini seyr edib. Qonaqlara Şəhidlər xiyabanının tarixi, eləcə də Bakı şəhərində həyata keçirilən abadlıq və quruculuq işləri barədə ətraflı məlumat verilib.
Ziyarət zamanı ABŞ Konqresinin nümayəndə heyətini protokol əməkdaşları və digər rəsmi şəxslər müşayiət ediblər.
ABŞ Konqresinin nümayəndə heyəti Şəhidlər xiyabanını ziyarət edib
Mətn: