Mətn:
Odlar.media xəbər verir ki, Şəmkir rayonunda ölümlə nəticələnən yol-nəqliyyat hadisəsi baş verib.
Hadisə rayonun Dəllər Cəyir kəndində qeydə alınıb. Belə ki, 2008-ci il təvəllüdlü İlkin Hüseynovun idarə etdiyi VAZ markalı avtomobil yolu keçən kənd sakini Ramazan Əliyevi vurub.
1964-cü il təvəllüdlü piyada ağır xəsarətlərlə xəstəxanaya çatdırılsa da, həkimlərin səylərinə baxmayaraq onun həyatını xilas etmək mümkün olmayıb.
Faktla bağlı aidiyyəti qurumlar tərəfindən araşdırma aparılır.