Mətn:
Sumqayıtda bir sıra ərazilərdə su verilişi dayandırılacaq – səbəb təmir işləridir
Odlar.media xəbər verir ki, Sumqayıt şəhərinin bəzi ərazilərində içməli su təchizatında müvəqqəti fasilələr yaranacaq.
Məlumata görə, Sumqayıt Sukanal İdarəsi tərəfindən aparılan təmir-tikinti işləri ilə əlaqədar magistral su kəmərində işlər görüləcək.
Bu səbəbdən 08.06.2026-cı il tarixində saat 09:00-dan axşamadək Kotec qəsəbəsi, Kimyaçılar qəsəbəsi, Səməd Vurğun küçəsi, 26-cı məhəllə, Xəzər bağları və Bulvar–Mida Bulvar ərazisində suyun verilişi dayandırılacaq.
Qurum abonentlərdən yaranacaq müvəqqəti narahatlığa görə anlayışla yanaşmalarını xahiş edib və əvvəlcədən təşəkkürünü bildirib.