Mətn:
Odlar.media xəbər verir ki, Naxçıvan şəhərində azyaşlının ölümü ilə nəticələnən bədbəxt hadisə baş verib.
Hadisə Qaraxanbəyli kəndi ərazisində qeydə alınıb. Məlumata görə, 2019-cu il təvəllüdlü Q.E. velosiped sürərkən ehtiyatsızlıq nəticəsində su kanalına düşüb.
Azyaşlı sudan çıxarılaraq Naxçıvan Muxtar Respublika Xəstəxanasına çatdırılsa da, həkimlərin səylərinə baxmayaraq onun həyatını xilas etmək mümkün olmayıb.
Hadisə yerinə hüquq-mühafizə orqanlarının əməkdaşları cəlb olunub.
Faktla bağlı araşdırma aparılır.