Mətn:
Odlar.media xəbər verir ki, Rusiya ordusu Ukraynanın Zaporojye şəhərinə pilotsuz uçuş aparatları ilə hücum həyata keçirib.
Bu barədə şəhərin Xüsusi Əməliyyatlar Komandanlığından məlumat verilib.
Bildirilib ki, hücum nəticəsində sənaye infrastrukturuna aid bir sıra obyektlərə ziyan dəyib. Zərbə endirilən müəssisələrdən birində iki işçinin həlak olduğu qeyd olunub.
Hadisənin nəticələrinin aradan qaldırılması istiqamətində işlərin davam etdiyi, zərərin miqyasının isə dəqiqləşdirildiyi bildirilib. Ukrayna tərəfi hücumun sənaye və mülki infrastruktur üçün ciddi təhlükə yaratdığını vurğulayıb.