Mətn:
Odlar.media xəbər verir ki, “Neftçi” klubunun sabiq prezidenti Sadıq Sadıqov vəfat edib.
Bu barədə məlumatı mərhumun ailəsi yayıb. Mərhum uzun illər Azərbaycan idmanının və futbolunun inkişafında fəaliyyət göstərib.
Sadıq Sadıqov 2009–2015-ci illərdə “Neftçi” Peşəkar Futbol Klubunun prezidenti vəzifəsində çalışıb. Onun rəhbərliyi dövründə paytaxt təmsilçisi üç dəfə Azərbaycan çempionu, iki dəfə isə Azərbaycan Kubokunun qalibi olub. Həmin dövrdə “Neftçi” Azərbaycan futbolu tarixində ilk dəfə UEFA Avropa Liqasının qrup mərhələsinə vəsiqə qazanaraq mühüm uğura imza atıb.