Mətn:
Ermənistanın keçmiş nazir və sabiq meri Qagik Beqlaryan rüşvət ittihamı ilə həbs olundu
Odlar.media xəbər verir ki, Ermənistanın keçmiş nəqliyyat və rabitə naziri, İrəvanın sabiq meri Qagik Beglaryan həbs edilib.
Axar.az-ın Ermənistan mediasına istinadən yaydığı məlumata görə, sabiq məmur seçki rüşvəti vermək və ya almaq ittihamı ilə saxlanılıb.
Məlumatda bildirilir ki, istintaq orqanları tərəfindən aparılan araşdırmalar çərçivəsində onun barəsində rüşvət və seçki qanunvericiliyinin pozulması ilə bağlı ittiham irəli sürülüb. Hazırda istintaq davam edir.
Qeyd edək ki, Qagik Beqlaryan əvvəllər İrəvan meri və Ermənistanın nəqliyyat və rabitə naziri vəzifələrində çalışıb.