Mətn:
Odlar.media xəbər verir ki, Ukraynanın paytaxtı Kiyevdə poçt operatorunun çeşidləmə mərkəzində baş verən partlayış insan itkisinə səbəb olub.
“RBK-Ukraine”ın Kiyev polisinə istinadən yaydığı məlumata görə, hadisə iyunun 5-i səhər saatlarında şəhərin Obolon rayonunda qeydə alınıb. Partlayış nəticəsində 1 nəfər həyatını itirib, daha iki nəfər müxtəlif dərəcəli xəsarətlər alıb.
Hüquq-mühafizə orqanlarının ilkin araşdırmasına əsasən, partlayış bağlamalardan birinə baxış keçirilərkən baş verib.
Faktla bağlı araşdırma aparılır, hadisənin dəqiq səbəbləri müəyyənləşdirilir.