Mətn:
Odlar.media xəbər verir ki, Fransa Prezidenti Emmanuel Makron süni intellektə həsr olunmuş Müdafiə və Milli Təhlükəsizlik Şurasının növbədənkənar iclasını keçirəcək.
Fransa mediasının Yelisey sarayına istinadən yaydığı məlumata görə, iclasın məqsədi süni intellektin inkişafı ilə bağlı riskləri qiymətləndirmək və təhlükəsizlik çərçivələrini müəyyənləşdirməkdir.
Məlumatda qeyd olunur ki, süni intellekt kosmos və nüvə energetikası kimi milli təhlükəsizlik və suverenlik baxımından strateji əhəmiyyət daşıyan sahəyə çevrilib.
Bildirilib ki, əvvəlcədən planlaşdırılan iclas Fransanın son aylarda üzləşdiyi kiberhücumlarla əlaqəli deyil.
Odlar.media