Mətn:
Odlar.media xəbər verir ki, Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Tibbi Sığorta və Ekspertiza Agentliyi tərəfindən 2026-cı ilin yanvar-avqust aylarında 35,3 min şəxsə əlillik təyin edilib.
Məlumata görə, həmin şəxslərdən 14,7 mininə ilkin, 20,6 mininə isə təkrar əlillik təyinatı aparılıb.
Əlilliyin qiymətləndirilməsi elektron sistem üzərindən həyata keçirilir. Qiymətləndirmə tibb müəssisələri tərəfindən elektron sistemə daxil edilən göndərişlərdəki məlumatlar əsasında aparılır.
Əlillik təyin edildikdən sonra əlilliyə görə sosial ödənişlər də elektron sistem vasitəsilə proaktiv qaydada müəyyən edilir.