Mətn:
Odlar.media xəbər verir ki, bu gün saat 09:00-a olan məlumata görə, Azərbaycanın əksər rayonlarında hava şəraiti əsasən yağmursuz keçib.
Milli Hidrometeorologiya Xidmətinin məlumatına əsasən, axşam və gecə saatlarında bəzi dağlıq və dağətəyi rayonlarda qısamüddətli leysan xarakterli yağış yağıb, şimşək çaxıb.
Düşən yağıntının miqdarı Balakəndə 15, Sarıbaşda (Qax) 12, Zaqatalada 8, Quba və Qusarda 3, Naftalan və İsmayıllıda isə 1 millimetrədək qeydə alınıb.
Bundan başqa, Şəmkir, Xızı, Şahdağ, Sabirabad və Lerikdə duman müşahidə olunub. Görünüş məsafəsi 500 metrədək məhdudlaşıb.
Odlar.media hava şəraiti ilə bağlı məlumatları təqdim etməyə davam edir.