Mətn:
Odlar.media xəbər verir ki, ABŞ Mərkəzi Kəşfiyyat İdarəsinin (MKİ) keçmiş direktoru Devid Petreus Rusiya Prezidenti Vladimir Putinin Sovet İttifaqını bərpa etməyə çalışdığını iddia edib.
Petreusun sözlərinə görə, Rusiyanın mümkün növbəti hədəfi Litva deyil, Moldova ola bilər.
“Çox güman ki, bu, Moldova olacaq, çünki o, bu baxımdan xeyli zəifdir”, – deyə Petreus bildirib.
O, həmçinin Avropa ölkələrinin mümkün təhlükələrə tam hazır olmadığını vurğulayıb. Keçmiş MKİ direktoru hesab edir ki, Avropa dövlətləri müharibə, müdafiə və təhlükəsizlik konsepsiyalarında zəruri dəyişiklikləri hələ həyata keçirməyiblər.
Odlar.media