Mətn:
Odlar.media xəbər verir ki, müəllimlərin təkrar sertifikatlaşdırılması prosesinin müsahibə mərhələsinə bu gündən başlanılır.
Bu barədə Məktəbəqədər və Ümumi Təhsil üzrə Dövlət Agentliyindən (MÜTDA) məlumat verilib.
Bildirilib ki, test imtahanında keçid balını toplayan müəllimlərin əməkhaqqına 10 faiz əlavə tətbiq olunacaq. 51 və daha yüksək bal nəticə göstərən şəxslərin əməkhaqqına isə 35 faiz əlavə veriləcək.
Qeyd olunub ki, sözügedən əməkhaqqı əlavələri yalnız müsahibə mərhələsində uğur qazanan müəllimlərə şamil ediləcək.
Odlar.media xəbər verir ki, müsahibə mərhələsinin nəticələri müəllimlərin əməkhaqqına tətbiq olunacaq əlavələrin müəyyənləşdirilməsində əsas meyarlardan biri olacaq.