Odlar.media xəbər verir ki, ABŞ Prezidenti Donald Tramp İranla danışıqlara başlamağa çalışmadığını bildirib.
Tramp bu barədə “Truth Social” hesabında paylaşım edib. O, ABŞ-ın İranı danışıqlar masasına qaytarmağa çalışdığı barədə yayılan məlumatları təkzib edib.
“ABC-nin saxta xəbərlərində bildirildiyi kimi, İranı danışıqlar masasına oturtmağa çalışmıram. Onlar üçün faydasız olan bir saziş imzalayıb-imzalamayacağı mənə heç bir əhəmiyyət daşımır”, – Tramp yazıb.
ABŞ lideri hazırkı vəziyyətin onun üçün daha məqbul olduğunu vurğulayıb. Tramp ABŞ-ın “Hörmüz boğazına demək olar ki, tam nəzarət etdiyini”, İran iqtisadiyyatının isə “tamamilə dağıldığını” iddia edib.
“Onlar sadəcə qaçılmaz olanla barışırlar. İran xalqı nə vaxt ayağa qalxacaq və mübarizəyə başlayacaq?” – deyə Tramp əlavə edib.
Odlar.media