Odlar.media xəbər verir ki, Ekvadorda gömrük əməkdaşları 32 dəniz iquanasının qanunsuz yolla ölkədən çıxarılmasının qarşısını alıblar.
Hadisə Ekvadorun paytaxtı Kitodakı hava limanında baş verib. Yüklərin yoxlanılması zamanı adı açıqlanmayan Rusiya vətəndaşının baqajından Qalapaqos adalarına məxsus 32 dəniz iquanası aşkarlanıb.
Həmin şəxs vəhşi heyvanların qanunsuz ticarətində ittiham olunaraq saxlanılıb. İquanaların necə əldə edildiyi və hansı ölkəyə aparılmasının planlaşdırıldığı barədə məlumat açıqlanmayıb.
Dəniz iquanası okeanda üzə bilən və suyun altında qidalanan yeganə kərtənkələ növü hesab olunur. Bu nadir heyvanlara yalnız Ekvadora məxsus Qalapaqos adalarında rast gəlinir.
Məlumata görə, dəniz iquanasının qara bazardakı qiyməti 20-25 min ABŞ dolları arasında dəyişir.
Odlar.media