Odlar.media xəbər verir ki, Beyləqan rayonunun Kəbirli kəndi ərazisində yol-nəqliyyat hadisəsi baş verib.
Hadisə zamanı 1991-ci il təvəllüdlü Firidun Süleyman oğlu Məhərrəmovun idarə etdiyi VAZ-2107 markalı avtomobil hərəkətdə olarkən sürücü idarəetməni itirib. Nəticədə avtomobil beton maneəyə çırpılıb.
Qəza nəticəsində sürücü Firidun Məhərrəmov, eləcə də avtomobildə olan 1958-ci il təvəllüdlü Səməd Musa oğlu Rzayev və 1982-ci il təvəllüdlü Elgün İsa oğlu Rzayev müxtəlif dərəcəli bədən xəsarətləri alıblar.
Yaralılar Beyləqan Rayon Mərkəzi Xəstəxanasına çatdırılıblar.
Faktla bağlı araşdırma aparılır.
Odlar.media