Odlar.media xəbər verir ki, Ukrayna Prezidenti Volodimir Zelenski ölkəsinin müstəqilliyinin 35-ci ildönümü münasibətilə Ukraynaya dəstək göstərən Azərbaycan və digər ölkələrə təşəkkür edib.
Zelenski “X” hesabında Azərbaycanın Ukraynanın suverenliyi və ərazi bütövlüyünə münasibətdə mövqeyinin hər zaman yüksək qiymətləndirildiyini bildirib. O, ölkələr arasında iqtisadi əməkdaşlığın, enerji və təhlükəsizlik sahələrində əlaqələrin, eləcə də qarşılıqlı dəstəyin davam etdirilməsinin vacibliyini vurğulayıb.
Ukrayna Prezidentinin təşəkkürü Azərbaycan Prezidenti İlham Əliyevin Ukraynanın müstəqilliyinin 35-ci ildönümü münasibətilə Zelenskiyə ünvanladığı təbrik məktubundan sonra səslənib.
Qeyd edək ki, Ukraynanın Müstəqillik Günü münasibətilə Bakıda yerləşən Heydər Əliyev Mərkəzi Ukrayna bayrağının rəngləri ilə işıqlandırılıb.
Zelenski Azərbaycanla dostluq, qarşılıqlı hörmət və strateji tərəfdaşlığın gələcəkdə daha da möhkəmlənəcəyinə əminliyini ifadə edib.
